Stáhtaministtar Erna Solberg lea almmuhan Harald Tom Nesvika ođđa guolástusministtarin.
Stáhtaministtar Erna Solberg lea almmuhan Harald Tom Nesvika ođđa guolástusministtarin.
Vuossárgga nammaduvvui Ovddádusbellodaga Harald Tom Nesvik ođđa guolástusministtarin.
Son váldá badjelasas Guolástusdepartemeantta maŋŋel go Per Sandberg luobai ráđđehusas.
Cuiggodeamit
Sandberg lea garrasit cuiggoduvvon go ii dieđihan stáhtaministarii ahte mátkkoštii moarsis ruovttoriikii Iránii geasseluomus.
Son oaččui eanemus spiža go fievrridii bargotelefovnna Iránii.
Sandberg lea maiddái geassádan Ovddádusbellodaga nubbejođiheaddjin.
Hárjánan
Ođđa guolástusministtar leamaš stuorradiggeáirrasin 1997-2017 áigodagas.
Nesvik bargá Sølvtrans fanasfitnodaga gulahallanhoavdan.
Son nammaduvvui diibmá Møre ja Romsdal fylkkamánnin 2019 rájes, muhto geassádii miessemánus bearašlaš sivaid geažil, čállá NTB.
