-Almmuhus-
-Almmuhus-
OĐĐASAT Ođđa gramma­tihkka­reaidu davvi­sámegilli

Ođđa gramma­tihkka­reaidu davvi­sámegilli

-

-

Vuosttaš grammatihka dárkkisteapmi sámegillii, GramDivvun 1.0 lea dál almmuhuvvon. 

— Dehálaš ja buorre veahkkeneavvu buohkaide geat čállet sámegillii, dadjá Sjur Nøstebø Moshagen gii lea jođiheaddjin Divvun- joavkkus UiT Norgga árktalaš universitehtas. 

Moshagen dadjá maiddái preassadieđáhusas ahte lea veaháš somá, go nu movt sii dihtet de lea GramDivvun dat vuosttaš grammatihka divvunprogramma álgoálbmotgielaide. 

— Lea somá, nu go mii diehtit de lea GramDivvun dat vuosttaš grammatihkka dárkkástusprográmma álgoálbmot gielaide, dadjá Moshagen.

Vuođu ráhkadan 

Lea juo okta riektačállin prográmma davvi-, julev-, anáraš- ja nuortasámegillii mii lea juo guhká geavahuvvon. Dat grammatihkkadárkkistanprográmma mii dál lea almmuhuvvon lea gaskaboddosaččat dušše davvisámegillii. 

— Mii leat ožžon vuođu dál sadjái. Nu ahte dat dagaha ahte go mii álgit bargat ráhkadit seammasullasaš veahkkeneavvuid julevsámegillii ja maŋŋel fas lullisámegillii, dadjá Moshagen preassadieđáhusas. 

Ii divo dušše čállinmeattáhusaid

GramDivvun ii divo dušše čállinmeattáhusaid, muhto maiddái sániid mat eai heive cealkagii, divvu maiddái formáhtalaš boasttuvuođaid dego jus geavahat aisttonmearkkaid boastut ja jus sátnegaskkaid bidjá boastut. Vásedin jus sániid juohká boastut, dát prográmma galgá nagodit gávdnat 85 proseantta boasttuvuođain, oaivvilda Moshagen. 

— Leat dieđus ollu boasttuvuođat mat eai fuomášuvvo ja eai divo, muhto dat bohtet ođasmahttimat dássedit mat galget čoaggit eambbo boasttuvuođuid, dadjá Moshagen.

Doaibma dáidda prográmmade 

Grammatihkkadárkkistanprográmma gávdno MS Word ja Google Docs:i, ja doaibmá Windows, Mac, iPas, Cromebook ja eará vuogádagain main MS Word ja Google Docs gávdno.  

Guovddážis digitála giellarevolušuvnnain 

UiT birrasat nugo Giellatekno ja Divvun leat olu jagiid leamaš guovddážis digitála giellarevolušuvnnaiguin álgoálbmot gielain. Stuorámus lei lihkká movt dat riektačállinprográmma lea ráhkaduvvon, go geavaha rabas gáldokodaid de rahpá vejolašvuođa ahte eambbo čállingielat sáhttet oažžut riektačállinprográmmaid. Dat guoská dan ođđa riektačállinprográmmii. 

— Dat teknihkalaš rámmavuogádat  lea iešheanalaš ja ii leat sorjavaš makkár giella lea ja sáhttá geavahuvvot vaikko makkár gillii olles máilmmis, loahpaha Moshagen. 

- Advertisement -
-Almmuhus-