-Almmuhus-
OĐĐASATOđđa goahtejođiheaddji Sámi allaskuvllas

Ođđa goahtejođiheaddji Sámi allaskuvllas

-

-

Marit Meløy jođihišgoahtá giela, duoji, boazodoalu ja servodatdiehtagiid goađi.

Ođđajagemánu rájes leat Sámi allaskuvllas guokte goađi, ja Marit Meløy jođihišgoahtá nuppi dain.

Sámi allaskuvlla stivra lea virgádan Meløy jahkemearrevirgái njealji jahkái.

Marit Meløy bargá dál boazodoalloáššiid seniorráđđeaddin Sámedikkis. Son lea ovdal bargan Sámi allaskuvllas dutkankonsuleantan, oahpporáđđeaddin ja oahppohoavdan.

Sus lea mastergráda servodatplánemis Romssa universitehtas. Masterbargu boazodoallofáttás, boazosámi nissonolbmuid birra.

 

Ođđa goahtestrukturproseassa

Lea vuosttaš geardde go Sámi allaskuvla virgáda goahtejođiheddjiid. Ovdal leat goahtejođiheaddjit válljejuvvon.

Dát čuovvu ge ođđa goahtestrukturproseassa man stivra lea mearridan.

Ođđajagemánu rájis Sámi allaskuvllas leat guokte goađi; giela, duoji, boazodoalu ja servodatdiehtagiid goahti man Meløy jođihišgoahtá, ja sámi oahpaheaddjeoahpuid ja álgoálbmotjournalistihka goahti man Seija Risten Somby jođiha.

-Almmuhus-