Ruoŧa girku ovttas Luleju girku vuođđudusain lea almmuhan girji sámi girkoeallima birra.
Girji «Samisk kyrkoliv» lea sámi báhppa ja vuođđudusadjunkta Birgitta Simma čállán. Girji lea sámi risttalašvuođa árbevieruid birra. Sihke rohkos, buressivdnideapmi ja doaibma mannet ovttas sámi vuoiŋŋalašvuođain.
– Girjjis juogán máhtu sámi historjjá, kultuvrra ja vuoiŋŋalašvuođa birra. Doaivvun ahte Ruoŧa girku galgá oažžut buoret ipmárdusa sámi girkoeallima birra vai sáhttet vuostái váldit dárbbuid go deaivvadit sámiiguin ja lahkonisgohtet sin sámi identitehta ja kultuvrra. Lea buoresivdnideapmi mii lea guoddevaš vuođđu min árgabeaivvis, dadjá Simma Ruoŧa girku preassadieđáhusa bakte.
Girjjis deaivvadit maid sápmelaččaiguin geat muitalit mot lea leahkit sápmelažžan dál ja sámegielaid ja kultuvrra birra. Simma čállá mai Ruoŧa girku ja sámiid d soabadanproseassa birra.
