Flyr fitnodaga mielde sáhtát girdit earret eará Romsii, Bådåddjoi ja Troanddimii.
Girdifitnodat Flyr dieđiha børsadieđáhusas ahte vuossárgga diibmu 12 álget sii vuovdit girdibileahtaid.
Buot girdimat vulget Oslos. Fitnodat fállá girdimiid earret eará Romsii, Troanddimii, Bådåddjoi, Bergenii, Hársttáide, Áhkanjárgii, Alicante ja Malaga Spaniai, ja Nice Frankriikii.
Vuosttaš vuolgga manná Oslos Romsii geassemánu 30. beaivvi. Beaivvi maŋŋel fas mannet vuosttaš girdimat Bådåddjoi ja Hárstták/Áhkanjárgii. Eará girdimat mannet borgemánus.
Mannan vahkkoloahpa dieđihuvvui ahte Wizz Air heaittiha buot sisriikkalaš girdimiid Norggas geassemánu 14. beaivvi.
Erik G. Braathen, guhte lea leamaš Braathens SAFE-direktevra, hovde dál Flyr.
(©NTB)
