FlyViking lea ožžon girdinlobi fievrredit mátkkošteddjiid davvin.
FlyViking lea ožžon girdinlobi fievrredit mátkkošteddjiid davvin.
– Dát lea illubeaivi! Mii leat garrasit bargan olahit dán maŋemus logi mánu, lohká eaiggát ja beaivválaš jođiheaddji Ola Giæver NRK:i.
Álget njukčamánus
Jus buot manná nu go lea jurddašuvvon, de álgit girdit njukčamánus.
– Mii álgit vuos girdit gaskkal Romssa ja Hámmárfeastta, ja Romssa ja Svolvær gaskkaid, muitala Giæver.
Gaskavahku álget vuovdit bileahtaid.
FlyViking ii ožžon lobi girdit diibmá, sii ledje ohcan girdit 13 ruvttuid mat leat Davvi-Norggas. Sii mearridedje dan sivas ahte áigo geahččalit kommersiála márkanii beassat. Sis váilui dárbbašlaš AOC-liseansa, jus galget leat kommersiála fitnodat. Disdaga oaččui FlyViking dan liseanssa. (©NTB)
