Dál boahtá ođđa ortnet mii dagaha ahte oahppit sáhttet lonuhit fidnofágii maŋŋel vuosttaš jagi joatkkaskuvllas, nu ahte eai šatta vázzit vuosttaš jagi ođđasit.
Dál boahtá ođđa ortnet mii dagaha ahte oahppit sáhttet lonuhit fidnofágii maŋŋel vuosttaš jagi joatkkaskuvllas, nu ahte eai šatta vázzit vuosttaš jagi ođđasit.
Dál boahtá ođđa ortnet mii dagaha ahte oahppit sáhttet lonuhit fidnofágii maŋŋel vuosttaš jagi joatkkaskuvllas, nu ahte eai šatta vázzit vuosttaš jagi ođđasit.
– Nuorat geat áigot lonuhit oahppospesialiseremis fidnofágii vuosttaš jagi maŋŋel, eai galgga dárbbahit eallima bidjat boddui. Dál mii fuolahit ahte šaddá álki lonuhit ja galgá ulbmil leat čađahit vuosttaš jagi oahppospesialiseremis, dadjá stádaministtar Erna Solberg.
Ovdal lei ohppiin riska šaddat ođđasit álgit joatkkaskuvlla, jus áigo lonuhit fidnofágii.
Dát ođđa geaidnu galgá geahpidit ohppiid skuvllageainnu, geat áigot lonuhit fidnofágii maŋŋel go leat jagi čađahan oahppospesialiserema.
Guoská buot fidnofágaide
Ortnet galgá leat buot ohppiide geat leat čađahan vuosttaš jagi oahppospesialiseremis, ja fátmmasta buot fidnofágaid mat fállojuvvojit nuppi jagi joatkkaskuvllas.
– Válljet rievttes linjá joatkkaskuvllas lea stuora ja dehálaš válga, ja sáhttá leat váttis diehtit lea go son válljen riekta. Danin lea dehálaš ahte ohppiin lea vejolašvuohta oahppospesialiseremis sirdit fidnofágii jus háliida. Seamma ládje go mis leat juo iešguđetlágan luottat alit fidnofága oahpuide dahje allaskuvllaide sidjiide geat válljejit fidnofága, dadjá Diehto- ja integrerenministtar Jan Tore Sanner.
Geavahit oktasašfágadiimmuid fidnofágaide
Oahppit geat váldet atnui dán ođđa ortnega bohtet geavahit 196 diimmu fidnofága pensumii maid sii eai leat vel lohkan. Diimmut organiserejuvvojit ođđa fágas mii lea ožžon nama «yrkesfaglig opphenting».
Dat 196 diimmu vástidit dan áiggi maid oahppit Jo2 fidnofágain geavahit oktasašfágaide (dárogiella, eŋgelasgiella, lášmmohallan ja matematihkka). Oahppit geat bohtet oahppospesialiseremis leat juo čađahan doarvái diimmuid oktasašfágain vuosttaš jagi joatkkaskuvllas.
– Mun doaivvun dát sáhttá šaddat buorre ja dehálaš ortnet, ja mun sávan dát lea veahkkin hehttemis jávkama. Lea hui buorre nuoraide boahtit jođáneappo johtui rievttes oahpuin. Muhto lea maid hui buorre fitnodagaide, almmolaš gávpedoaimmaide ja servodahkii. Mii dárbbahit eanet fágabargiid, dadjá Diehto- ja integrerenministtar Jan Tore Sanner.
