-Almmuhus-
OĐĐASATOđđa geaidno­namat Deanus

Ođđa geaidno­namat Deanus

-

-

Dál lea vejolaš fárret Miessegeidnui, Áldogeidnui dahje Sarvvesgeidnui Deanušaldái.

Deanu gieldda  fuolahuas, bajásgeassima ja kultuvrra váldolávdegoddi (HOOK) mearridii skábmamánu 3. beaivvi čoahkkimis ođđa čujuhusnamaid ja čállinvuogi dan guđa geidnui njealji ássansajis Deanu gielddas. 

– Dat lea loahpalaš mearrádus ja dan bokte leat dat šaddan almmolaš čujuhusnamat, dieđiha Deanu gielda.

Čujuhusnamat galget registerejuvvot kártadoaimmahahkii. Ođđa geaidnonamat Čorroguolbba ássanbáikkis leat Miessegeaidnu, Áldogeaidnu ja Sarvvesgeaidnu. 

Sieiddá ođđa ássanbáiki oarjebealde eanu lea ožžon nama Ávnnotgurra. Sieiddás nuorttabealde lea Storlaksen  ássánbáikkis ožžon nama Storflaten. Nuortta Sieiddás lea Bjørkelia Nordre ássanbáiki ožžon nama Nordre Bjørkelia.

-Almmuhus-