Dál lea ovtta duojáris vejolašvuohta gárvvohit hoteallabargiid máŋga jagi ovddasguvlui, go Thon hotealla Guovdageainnus fas bidjá bivttashábmengilvvu johtui.
Dál lea ovtta duojáris vejolašvuohta gárvvohit hoteallabargiid máŋga jagi ovddasguvlui, go Thon hotealla Guovdageainnus fas bidjá bivttashábmengilvvu johtui.
Guovdageainnu Thon hoteallas leat dál ođasteame restoráŋŋa ja bára, ja dan oktavuođas áigot sii ođasmahttit bargiid biktasiid maid. Guovdageainnu Thonas leatge leamaš gáktelágan biktasat buot bargiin máŋga jagi, ja dál bovdejit hutkás bivttashábmejeddjiid ja duojáriid gilvui.
Ožžot leahkit earáláganin
Thon hotealla restoráŋŋajođiheaddji Charlotte Eira muitala sii leat Guovdageainnu Thon hoteallas ožžon lobi leahkit veahá earáláganin go Thon hoteallat muđui Norggas, ja danne fertejit ávkkástallat dan.
– Gáktelágan biktasiid leat min guossit hui bures váldán vuostá, ja mii leat ožžon máhcahemiid ahte lea hui earálágan vásáhus go dábálaččat Thon hoteallain. Min guossit leat lohkan earálágan biktasat leat geasuheaddji ja hoteallaorrun šaddá eanet persovnnalažžan, muitala Eira.
Gákteivnnit
Hotealla ođasteapmi galgá plána mielde gárvánit skábmamánu álggus, ja ođđa rahpamii dáhtoše sii maiddái ođđa ahte biktasat leat gárvánan.
– Gilvvu oassalástit galget guovtti vahkkus hábmen ođđa uniforpma, mii galgá sihke nissoniidda ja dievdduide, galgá álki coggat nala ja galgá álki bassat. Olav Thon ja Sissel Berdal leaba ieža leamaš Guovdageainnus ja oaidnán doaluin ollu gávttehasaid, ja leaba sávvan ahte hoteallas galget sulastahttet gákteivnnit. Hoteallas galget čalbmáičuohcci ivnnit nu go lime, rosa ja oránša, ja leage duojáriid duohken háliidit go bidjat daid ivnniid vai bidjet go neutrála ivnniid, muitala Eira.
Dálá gáktelágan biktasat maid ovddeš gilvvuid vuoiti Sara Ellen Anne Buljo Eira lea hábmen. Privahta govva.
Bivttasčájáhus
Mannan háve, go hoteallas lei dákkár gilvu, de serve golbma iešguđetlágaš bivttashábmeneaddji gilvui. Dál sávvá Eira eambbosiid oassálastit.
– Guovtti vahku geahčen šaddá bivttasčájeheapmi dain iešguđet designain, ja lea sierra jury mii vállje vuoiti. Dat bivttasdesigna man mii válljet oažžu kontrávtta hoteallain buvttadit bargobiktasiid. Sávan olbmot čájehit beroštumi gilvui, lohká Charlotte Eira.
