-Almmuhus-
-Almmuhus-
OĐĐASAT Ođđa gáibádusat sáhttet goaridit doaresbealguovlluid dearvvašvuođabálvalusa

Ođđa gáibádusat sáhttet goaridit doaresbealguovlluid dearvvašvuođabálvalusa

-

-

Fargga ferte buot doavttervávttain leat unnimusat okta doavttir barggus geas lea spesialiseren dábálašmedisiinnas. KS oaivvilda dat goarida doaresbealguovlluid.

Ođđa njuolggadusat doaibmagohtet giđđat, dieđiha NRK: Vegas, Nordlánddas mearkkaša dát rievdadus ahte okta doavttir ferte bargat juohke beaivvi olles jagi, go ii ovttas ge earás leat dat gelbbolašvuohta.

KS Nordlándda nubbijođiheaddji, Monica Sande ballá ahte bargodeaddu váikkuha boaittobealsuohkaniid rekrutterema.

– Olu deaddu dagaha ahte eai leat liikká olusat geat háliidit dán virgái. Dieđusge vuorjašuvvat, lohká Sande.

 

Ballá suohkaniin hedjonit fálaldaga

Dearvvašvuođabearráigeahčču lea váruhan ahte sáhttá váikkuhit boaittobealsuohkaniid, ja doavttersearvi Legeforeningen doarju sin.

– Dat mii sáhttá geavvat lea ahte šaddá váddáseabbon oažžut doaktáriid geat leat spesialiseren dábálašmedisiinnas. Dasto šaddá maid heajut fálaldat suohkaniin, lohká Nordlándda Doavttersearvvi nubbijođiheaddji Benjamin Storm.

 

Váldet duođas

Dearvvašvuođa- ja fuolahusdepartemeanta čállá epoasttas ahte váldet vuorjašumiid duođas, ja árvvoštallagohtet makkár doaimmade lea dárbu.

(©NTB)

- Advertisement -
-Almmuhus-