Sámediggi lea mearridan meannudit ovtta ođđa ášši dievasčoahkkima oktavuođas dán vahkkus. Dát lea ođđa lahttoválljen Finnmárkkuopmodaga stivrii.
Ođđa lahttoválljen Finnmárkkuopmodaga stivrii meannuduvvo bearjadaga. Ságat aviisa čállá ahte leat opposišuvnna unnitlogubellodagat geat leat bivdán ođđa lahttoválljema ja dasa lea Norgga Sámiid Riikkasearvi (NSR) miehtán.
Ságat dieđuid mielde ii galgga leat ságas lonuhit NSR stivrralahtuid, muhto Bargiidbellodaga FeFo- stivrralahttu Marit Kirsten Anti.
Elisabeth Erke guhte lea gieskat geassádan Bargiidbellodagas lea duogábealde evttohusa, muđuid leat dát listtut, Árja, Nordkalottfolket, Dáloniid Listtu Guovdageaidnu, Sámeálbmot bellodat, Olgešbellodat ja Ovddádusbellodat.
