-Almmuhus-
-Almmuhus-
SMÁVVAOĐĐASATOđđa fálaldat suohkana ássiide

Ođđa fálaldat suohkana ássiide

Journalista

-

-

Guovdageainnus lea dál áibbas ođđa fálaldat suohkana ássiide. Geassemánus álggahuvvui Ásodatbálvalus, mii lea sidjiide geat dárbbašit veahki háhkat dahje doalahit ásodaga.

Ásodatbálvalus lea NAV Ávjovári ja Guovdageainnu suohkana prošeakta. Ulbmilin lea eastadit ásodatsosiála hástalusaid ja oažžut johtui Láigoheamis eaiggáduššamii (dárogillii Leie til eie).

– Leat go dus jearaldagat ásodaga láigoheami, oastima, huksema, heiveheami dahje ođasteami birra. Háliidat go diehtit makkár fálaldagat ja bálvalusat suohkanis leat ásodaga dáfus, ovdamearkka dihte álggahanloana, ássandoarjaga, suohkana ásodagaid ja viessosajiid birra, de lea dus vejolašvuohta váldit oktavuođa Ásodatbálvalusain ja oažžut veahki juste dasa, čállá Guovdageainnu suohkan.

Ásodatbálvalus lea seamma sajis go NAV Ávjovári kantuvrrat Guovdageainnus.

-Almmuhus-