-Almmuhus-
-Almmuhus-
OĐĐASAT Ođđa Facebookvirus váldá badjelasas dihtora ja ráhkada kryptováluta

Ođđa Facebookvirus váldá badjelasas dihtora ja ráhkada kryptováluta

-

-

Digimine lea ođđa virusa namma mii váldá dihtora badjelasas ja geavaha dihtora ráhkadit kryptovaluta Monero. Virus váikkuha dušše PC:ii.

Prográmma bargá zip-fiilla čađa ja orru dego videofiila  go lea namma «video_xxxxx.zip». Dát juhkkojuvvo jus geavaheaddji rahpá fiilla maid oažžu Facebook Messenger bokte, čállá Drammens Tidende.

 

Dat vahátlaš prográmmagálvu gilvojuvvo dihtorii ja álgá maiddái ráhkadit kryptovaluta. Dasa lassin installerejuvvo prográmmagálvu neahttalohkkii Chromei, mii váldá badjelasas Facebook kontu ja sádde fiilla viidáseappot geavaheaddji skihpáriidda neahttaservodagas.

 

– Galggat leat várrugas

IT-sihkkarvuođafitnodat Trend Micro fuobmái Digimine vuosttažin Lulli-Koreas, muhto dat lea juhkkojuvvon viidáseappot Vietnamii, Aserbajdsjanii, Ukrainai, Filipinai, Thailandii ja Venezuelai. Facebook lea dieđihuvvon ášši birra ja leat váldán eret Digimine liŋkkaid maid ledjet fuobmán.

– Mii rávvet buohkaid leat várrogasa, vai eai deaddil dákkár liŋkkaid. Jus leat eahpesihkar de gánnáha jearrat sus gii lea sádden liŋkka ovdal go deaddilat dan, muitala gulahallanhoavda Trend Micro Norggas, Karianna Myrvold.

 

(©NTB)

-Almmuhus-