-Almmuhus-
OĐĐASATOđđa ealáhusguovlu ásahuvvo fargga

Ođđa ealáhusguovlu ásahuvvo fargga

-

-

Guovdageainnu suohkan lea suohkanplána márkanplánas várren stuorebuš ealáhusguovllu gosa boahtte dálvvi galget regulerejuvvot ođđa ealáhussajit.

Guovlu lea lahka márkanguovddáža, bivnnut, ja lea hirbmat dehálaš Guovdageainnu ealáhusovdánahttimii čuovvovaš logenáre jagi, čállá suohkan iežaset neahttasiiddus.

 

Guhká rahčan boares plánaiguin

Suohkanplánat leat suohkaniid deháleamos bargoreaiddut go lea sáhka láhčimis sadjái viessosajiid ja addimis olbmuide ja fitnodagaide huksenvejolašvuođaid.

Guovdageainnu ovddeš suohkanplána lea maŋemus mearriduvvon 1991:s, mii lea dagahan ahte suohkan guhká lea rahčan boares plánaiguin mat leat dahkan váttisin olbmuide bidjat prošeavttaid johtui Guovdageainnus – earenoamážit ealáhusprošeavttaid.

 

Ođasmahttán suohkanplána

Suohkanstivra lea váldán dán váttisvuođa duođalažžan, ja mearridii diimmá njukčamánus ođđa suohkanplána oktan areálaosiiguin.

Ođđa suohkanplána bokte leat dál várrejuvvon ollu ođđa iešguđet guovllut sihke viesso- ja fitnodatásahanplánaid váste.

-Almmuhus-