Dutkit leat badjel 15 jagi guorahallan 3200 isolata Norggas.
Escherichia coli (E. coli) lea dábálamos varrajohtuvuolšši miehtá máilmmi. Dákkáraš vuolššit leat lassánan ja dasa lassin lea dát bakteara gierdagoahtán eambbo antibiotihkadálkasiid, dan čájeha Norgga nationála E.coli antibiotikaresistens vákšun jagis jahkái. Dát ráddje dikšunvejolašvuođaid hirbmosit ja lea šaddan hui hástaleaddji bargu, čájeha ođđa dutkan.
– Mii vásihit ahte dikšunvejolašvuohta lea hirbmosit ráddjejuvvon vulššiid ektui. Muhtumin vásihit ahte E.coli gierdá eanaš dahje buot antibiotihkašlájaid, dadjá UiT Norgga arktalaš universitehta farmasiija Instituhta professor Ørjan Samuelsen.
Son lea ovttasráđiid UiO – Oslo universitehta professoriin Jukka Corander ja Wellcome Sanger instituhtain Eŋglánddas dutkan E.coli antibiotihkacaggama ja dát guhkes áiggi dutkan lea almmuhuvvon áigečállagis Lancet Microbe.
