-Almmuhus-
OĐĐASATOđđa duddenmáđidja dagahan eahpesihkarvuođa

Ođđa duddenmáđidja dagahan eahpesihkarvuođa

View all posts Journalista

-

-

Unjárgga gielddas lei rahppon duddenmáđidja mii livččii čadnan oktii Unjárgga ja Deanu skohtermáđijaid, dál dattetge lea čielgan ahte dát ii lean riekta meannuduvvon. Nu ii leat lohpi vuodjit Deanus Unjárgii dahje nuppe guvlui dán duddenmáđiija mielde.

Unjárgga gieldda dieđii cuoŋománu 7. beaivve ahte lea rahppon duddenmáđii Deanu guvlui, mii mielddisbuvttášii ahte dát máđii čanašii oktii Unjárgga ja Deanu skohtermáđijaid.

Dan dihtii leamaš veahá eahpečielggas ahte lea go lohpi vuodjit Deanu gieldda máđii 14:s Unjárgga gieldda duddenmáđijai.

 

Oktavuohta fylkkamánniin
Deanu gielda lea váldán oktavuođa fylkkamánniin, guhte čilgii ahte ulbmilin leamaš veahkehit Unjárgga gieldda, muhto dađi bahábut lea áššemeannudeapmi mannan veahá boastut.

Lea mearriduvvon duddenmáđii, muhto fylkkamánnis ii leat láhkavuođđu mearridit dákkár máđii, ja dan dihtii dát mearrádus ferte rievdaduvvot.

 

Eai leat čatnon oktii
Duddenmáđija ulbmil ii lean čatnat oktii Unjárgga ja Deanu skohtermáđijaid, ja dat mearkkaša ahte 300-mehternjuolggadus ii gusto dáid máđijaid gaskka.

Dat mieddisbuktá ahte ii leat vejolaš vuodjit Unjárggas Detnui dahje nuppe guvlui dán duddenmáđijaa bokte, dieđiha Deanu gielda.

 

-Almmuhus-