-Almmuhus-
OĐĐASATOđđa doarjja­ortnet stuorra doaluide

Ođđa doarjja­ortnet stuorra doaluide

-

-

Ráđđehus evttoha ásahit doarjjaortnega stuorra doaluide mat eai gula kultur- ja valáštallansuorgái, muhto meassuide ja borramušfestiválaide.

– Stuorra doalut, nu go meassut ja festiválat, ásahit stuorra lassiváikkuhusaid báikkálaš ja guovllu ealáhussii. Muhtin lassiváikkuhusat leat riikadásis. Dan ođđa doarjjaortnega bokte háliida ráđđehus addit vejolašvuođa aktevrraide vejolašvuođa plánet stuorra doaluid áiggi mielde, vaikke leat ekonomalaš hástalusat, dadjá ealáhusministtar Iselin Nybø preassadieđáhusa bokte.

Gielddus čohkket olu olbmuid ovttas eará njoammuneastadandoaimmaiguin lea dagahan stuorra ekonomalaš vahágiid doallomárkanis dan maŋimuš jahkebealis.

Riikka ja guovllu doalut

Ođđa doarjjaortnet guoská doaluide mat heaittihuvvojedje koronarohtu gáržžidusaid geažil, ja mat eai guoskka doarjjaortnegiidda mat leat kultur-ja valáštallansuorggis. Ortnet lea ráddjejuvvon doaluide main lea guovllulaš ja riikka árvu, mas leat vurdojuvvon leat unnumusat 500 galledeaddji.

-Almmuhus-