-Almmuhus-
-Almmuhus-
OĐĐASATOđđa doaibmaplána

Ođđa doaibmaplána

-

-

Ráđđehus lea mearridan ahte galgá ráhkaduvvot ođđa doaibmaplána veahkaválddi vuostá lagaš oktavuođain, mas lea sierra oassi veahkaválddi ja vearredaguid birra sámi guovlluin.

Sámediggi ja Ráđđehus bovdejit rávačoahkkimii Sámediggái gos galgá sáhka dan ođđa doaibmaplána birra. Doaibmaplána galgá ovddidit bargguid mat gusket veahkaválddálašvuhtii ja láhčit ollislaš ja oktiiordnejuvvon politihka mo čoavdit veahkaválddálašvuođa áššiid lagaš oktavuođain.

—  Eastadeapmi, veahkki, suodjaleapmi, ráŋggáštusčuovvuleapmi, láhka, njuolggadusat ja máhttu leat deaŧalaš oasit ođđa plánas. Doaibmaplánas lea maid oassi veahkaválddi ja vearredaguid birra sámi guovlluin, čállá Sámediggi. 

Eurohpá konvenšuvdna

Ođđa plánain galgat maiddái dustet Eurohpá konvenšuvnna geatnegasvuođaid veahkaválddi eastadeamis ja dáistaleamis nissonolbmuid vuostá ja veahkaválddi vuostá lagaš oktavuođain (Istanbul-konvenšuvdna) mii gustogođii Norggas skábmamánu 1. beaivvi 2017. Konvenšuvnnas deattuhuvvo ahte dárbbašuvvo ollislaš ja oktiiordnejuvvon politihkka man oktavuođas eastadeapmi, suodjaleapmi ja ráŋggáštusčuovvuleapmi leat guovddáš oasit áŋgiruššamis.

-Almmuhus-