Huksegohtet ođđa dearvvašvuođaguovddáža Biertavárrái, Gáivuona suohkanis.
Gáivuona suohkan ceggegoahtá ođđa dearvvasvuođaguovddáža Biertavárrái.
Dan oktavuođas lea Gáivuona ovdagoddi mearridan ahte suohkan galgá dahkat soahpamuša Skanska Husfabrikken AS nammasaš fitnodagain, čállá suohkan.
Dehálaš boahtteáigái
Prošeakta máksá 256,8 miljovnna ruvnnu, ja dát ođđa guovddáš šaddá hui dehálaš boahtteáiggi dearvvašvuođafálaldahkan Gáivuonas.
– Mii oaidnit dál jo ahte juoga lea dáhpáhuvvagoahtán dearvvasvuođa guovddáža huksensajis, čállá Gáivuona suohkan .