Nominerejuvvon Davviriikkalaš ráđi mánáid ja nuoraid girjjálašvuođabálkkašupmái 2020: Máilmmi čábbámus juovlamuorra lea dál jorgaluvvon davvisámegillii.
«Máilmmi čábbámus juovlamuorra» lea girji man Juaaka Lyberth lea čállán, ja 24 kapihttaliin son váldá lohkiid mielde liekkus mátkái magihkalaš Kalaallit Nunaatai!
Dramatihkka, suollemas dagut ja magihkalaš fearánat sorrojuvvojit oktii ja nu šaddá historjá mii geasuha mánáid beroštumi álggus lohppii.
Dán erenoamáš čáppa juovlamuitalusa máilmmis leat stálut ja nigážat, ja dán máilbmái beassá maiddái lohkki adveantamuitalusa bokte mii addá reaškasa, ilu ja veahá ilgadis dáhpáhusaid.
Girjjis leat illustrašuvnnat maid Maja-Lisa Kehlet lea ráhkadan, ja govat leat dego veahkkin boktime heakka Juaaka Lybertha liekkus máidnasii.
Girji lea Solum bokvennen lágádusa vuolde almmuhuvvon, ja Sámediggi lea ruhtadan davvisámegiel almmuheami.
