Sotnabeaivvi duođaštuvvui ovtta oahppis Hamna skuvllas, Romssas, covid-19.
Romssa gielda čállá preassadieđáhusas ahte 43 oahppi ja golbma oahpaheaddji leat biddjon erremii. Njoammunguorran čađahuvvo vuossárgga. Muđui lea earáin skuvllas dábálaš oahpahus.
– Dál lea fas duođaštuvvon njoammun skuvllain. Mis lea lihkus hárjáneapmi gieđahallat dakkár dilálašvuođaid, ja boahttevaš beivviid mii galgat sihkkarastit bearráigeahču dilálašvuođas, dadjá njoammunsuddjendoavttir Trond Brattland preassadieđáhusas.
