-Almmuhus-
OĐĐASAT Ođđa čikčiid­ovddi­deaddji Finn­márkkus

Ođđa čikčiid­ovddi­deaddji Finn­márkkus

-

-

Áltálaš Odd Inge Johansen lea dás rájes Finnmárkku čikčiidovddideaddji. Son váldá badjelasas Alta IF váldohárjeheaddji Vidar Johnsena ámmáha. 

Finnmárkku spábbačiekčanbiire lea virgádan Odd Inge Johansen 60 proseantta virgái áigodahkii 2020-2021. Son galgá bargat čikčiidovddideaddjin.  Vidar Johnsen lea ožžon virgelobi dálá virggis. Son lea Alta IF almmái, mii čiekčá Postnord-ligas. 

– Johansen lea maŋimuš jagiid leamaš Bossekop UL nissonjoavkku hárjeheaddji, ja lea struktuvrralaš ja dárkilis olmmoš geas maid lea B-liseansa hárjeheaddjin. Son lea čájehan nana kvalitehta ovddideamis eaŋkalčikčiid alibuš dássái, ja sus leat stuorra ráhkisvuohta Finnmárkui,  čállá Finnmárkku spábbačiekčanbiire preassadieđus.

Bargoaddi luvvii

Johansen lea barggus SmartDok fitnodagas, ja biire lea movtta go fitnodat lea čoavdán čuolmma ja luvven Johansena su virggis. 

– Go biire ohcagođii sadjásačča Johnsena virgái, de lei mihttu ahte čikčiidovddideaddji ja hárjeheaddjeovddideaddji galget gulahallet bures. Lise Lotte Lund Martnes lea hárjeheaddjeovddideaddji prošeaktavirggis. Martnes lokte dási jo hárjeheaddjeovddideaddjin, ja iežas fágačehppodagain ja olmmošlašvuođain lea son riggudahttán biirre bargguid, čuožžu preassadieđus.

Odd Inge muitala son lea rámis ja vuollegaš ámmáhiin.

- Advertisement -
-Almmuhus-