-Almmuhus-
-Almmuhus-
-Almmuhus-
OĐĐASATOđđa čállin­vuogit čujuhus­namaide Unjárgga gielddas

Ođđa čállin­vuogit čujuhus­namaide Unjárgga gielddas

-

-

Unjárgga gieldastivra leat mannan vahkku gielddastivrračoahkkimis mearridan ođđa čállinvuogi čuovvovaš čujuhusnamaide:

Gieldda ruovttusiiddus boahtá ovdan makkár rievdadusat leat dahkkon: 

– Rávtebealgeaidnu čállo dás rájes Rávttebelgeainu. Dat lea E6 Vuonnabađa – Mátta-Várjjaga gaskka.

–  Várjjatgeaidnu čállo dás rájes Várjjatgeainu. Dat lea E75 Vuonnabađa – Čáhcesullo gaskka.

– Sáttovárgeaidnu čállo dás rájes Sáttovárgeainu. Dat lea E6 Vuonnabađa – Deanu gaskka.

–  Girkugeaidnu čállo dás rájes Girkugeainu.  Geaidnu manná Unjárgga girkobáikki girkui.

Mearrádus

Gielddastivrra mearrádus čuodjá ná: Čujuhat mearrádussii dahkkon 04.02.20, unjárggasuopman galgá vuođđun go báikenamaid čállinvuohki mearriduvvo. 

Øystein Nilsena evttohus dohkkehuvvui ovttajienalaččat. Galgá čállit geainu buot namain Unjárggas main lea geaidnu/geainu geaidnočujuhusas.

-Almmuhus-