Sámemusea Siidda molsašuddi čájáhus «Ipmila mánát» rahpasa 21.1.2021.
Čájáhus lea Maarit Magga duoji nákkosdutkamuša dáiddalaš produkšuvnna nubbi oassi, man son dahká Lappi universitehta dáidagiid dieđagoddái. Magga bargá duoji stipendiáhttan Sámi Allaskuvllas.
«Ipmila mánát» čájáhus čoahkkana Magga duddjon duodjetekstiillain Heahtá girkui, su ruovttuguvlui Eanodahkii.
– Mu tekstiillat vuođđuduvvet duodjái, sápmelaš oidnui čábbodagas, vuogasvuođas ja harmoniijas. Mu duodjái lea lunddolaš vánisvuođa tematihkka ja hervema unnánvuohta, iežan oaidnu čábbodagas. Mun gaskkustan árbevieru ja heivehan iežan máhtu ođđalágan bargguide, almmolaš saji konteavsttas, Magga muitala preassadieđáhusas.
Guođán saji jurdagiidda. Divttán plánaidan eallit. Láddadan. Dassážiigo oainnán sielustan. Ipmirdan – ja dagan oidnon duohtan
Maarit Magga
Čájáhus lea oaidninláhkái seamma sáles oktanaga Magga vuosttas čájáhusain «Sámi Seremoniijat». Čájáhus lea oaidninláhkái Sámemusea ja luondduguovddáš Siiddas, Anáris 21.1.2021 – 30.4.2021. Čajáhusa lea buvttadan Sámemusea Siida. Korona dihte dábálaš rahpanávvudeapmi ii ordnejuvvo.
