-Almmuhus-
OĐĐASATOđđa bora­spire­evttohus sáhttá rievdadit dili

Ođđa bora­spire­evttohus sáhttá rievdadit dili

-

-

Áigot ráđđehusa fuolahit ahte addo bivdolohpi báhčit boraspiriid lahka guotteteatnamiid.

Guovddášbellodaga áirasat Geir Adelsten Iversen, Sandra Borch, Heidi Greni ja Siv Mossleth leat ovddidan evttohusa Stuoradiggái. Sii evttohit ahte gohččot ráđđehusa fuolahit ahte addo bivdolohpi báhčit boraspiriid guotteteatnamiin ja lahka guotteteatnamiid.

Aslak Anta Jåma lea okta siidaoassejođiheddjiin Byrkije orohagas Nordlánddas, gos leat massán badjelaš 90  bohcco goaskimii.

– Dat lea goaskinnálli mii lea stuora váttisvuohtan. Ja das ii leat doaibmi hálddašeapmi dál. Ii oktage beasa bivdit goaskimiid, ja dat buktá stuora hástalusa, muitala Jåma.

Guhkes meannudanáigi

Son lohká Stáhta luonddubearráigeahčču lei mannan vahkkoloahpa váldime ovtta geatkki sin guovlluin, go orohat lei ohcan ahte dan galge goddit.

– Dan leimmet ohcan mánu áigi juo. Dat lea goit eaktun ahte ii galgga nu guhká ádjánit ovdal ohcamat meannuduvvojit, dadjá Jåma. Son lasiha maid:

– Jus dohkkehuvvo ja šattašii álkit váldit boraspiriid guotteteatnamiin, de livčče hui buorre. Livčče veahkehit ollu jus manašii jođánit dan rájes go ohcat, dassá meannuduvvo.

-Almmuhus-