-Almmuhus-
-Almmuhus-
SMÁVVAOĐĐASATOđđa boazo­mearkka njuolgga­dusat

Ođđa boazo­mearkka njuolgga­dusat

Journalista

-

-

Eanadoallo- ja biebmodepartemeanta lea mearridan ođđa boazomearkanjuolggadusa. Njuolggadus sihkkarastá ovttalágan meannudeami boazomearkaáššiin ja dahká vejolažžan ásahit ođđa digitála mearkaregistera. 

Ráđđehus čállá preassadieđáhusas ahte boazodoalus leat boazomearkkain guhkes ja nana árbevirolaš vuoigatvuođat. Sámi boazodoalloguovlluin ii leat vejolaš oamastit bohccuid jus ii leat boazomearka. Dás gávnnat eambbo dieđuid: Forskrift om reinmerker

Ođđa njuolggadus áimmahuššá árbevirolaš boazomearkkaid vuogádaga. Dat sihkkarastá maid seammalágan vuogi nammadit lahtuid mearkalávdegottiide ja váidalanlávdegottiide, maiddái seammalágan meannudeami ja einnosteaddji vuogi boazomearkkameannudeamis. Dasa lassin ásaha njuolggadus láhkavuođu dahkat boazomearkkaid olamuttos digitála registaris. 

Eanadoallodirektoráhtta lea ovdánahttán ođđa digitála mearkaregistera mii galgá almmuhuvvot Álttás čakčamánu 14. beaivvi. Dan reaiddu lea boazodoalloealáhus guhká ohcalan.

-Almmuhus-