Sámediggi ja Dálkkádat- ja birasdepartemeanta leat soahpan maŋidit ođđa bivddusdivada mearraluossabivddus
Sámediggi ja Dálkkádat- ja birasdepartemeanta leat soahpan maŋidit ođđa bivddusdivada mearraluossabivddus
Sámedikkis leat leamaš konsultašuvnnat Dálkkádat- ja birasdepartemeanttain evttohusa birra rievdadit guolástusdivada («Forslag til
endringer i fiskeravgift»).
Konsultašuvnnaid duogáš lea ođđa bivddusdivat mii galggai ásahuvvot mearraluossabivddus.
– Divat galggai biddjot juohke bivdosii, mii livččii unohas daidda guollebivdiide geain lea eanet go okta bivddus mearas, dadjá sámediggeráđđi Silje Karine Muotka preassadieđáhusastis.
Maŋiduvvo dassái dát bivdoáigodat lea nohkan
Sámediggi lea konsultašuvnnas Dálkkádat- ja birasdepartemeanttain gávnnahan ahte viidásat proseassa áššis berre maŋiduvvot dassážiigo go 2016 bivdoáigodat nohká. Danne šaddet divadat nu go 2015:s.
Ášši lei gulaskuddamis 2014 čavčča ja galggai čađahuvvot dán bivdoáigodahkii.
– Sámediggi lea hui duhtavaš go Dálkkádat- ja birasdepartemeanta maŋida ásaheami. Viidáseappot leat departemeanta ja Sámediggi soahpan ahte Sámediggi galgá leat mielde viidásat proseassas, dadjá sámediggeráđđi Silje Karine Muotka.
