-Almmuhus-
OĐĐASATOđđa báhppa Porsáŋggus

Ođđa báhppa Porsáŋggus

-

-

Jon Arne Tandberg lea dál báhppan Porsáŋggus. Dábálaččat lea son kapellána Hámmárfeasttas, muhto dál doaibmagoahtá báhppan.

Nu go buot girkuin Norggas, de lea Davvi-Hålogalándda bismagottis maid hedjonan ruhtadilli. Dan čállá Sis Finnmárkku proavás Egil Lønmo preassadieđáhusas.

Dán jagi ferte bismagoddi seastit ruđa, ja olu báhppavirggit, mat livčče rabas, eai almmuhuvvo. Sis-Finnmárkkus leat guokte virggi rabas, suohkanbáhppa virgi Kárášjogas, ja kapellána virgi Porsáŋggus.

 

Báhpat sirdojuvvon

Jon Arne Tandberg lea sirdojuvvon Hámmárfeasttas Porsáŋgui, jahkái. Dat mearkkaša ahte Hámmárfeasttas lea dál okta báhppa váile.

Proavásbáhppa Jan Høifødt doaibmá ges suohkanbáhppan Kárášjogas. Proavásbáhpa galgá bargat sadjásažžan go eará báhpain lea friddja, luopmu, jus leat buohccit dahje virgelobis. Go dál lea álgán suohkanbáhppan, de ii sáhte šat sadjásažžan nu dávjá.

– Dat mearkkaša ahte proavásis váilo okta báhppa. Olbmot eai dárbbaš gal ballat ahte hávdádeamit eai čađahuvvo, muhto bohtet šaddat gáržžideamit eará sajiin, lohká Egil Lønmo.

-Almmuhus-