Politiijat váldet atnui ođđa apparáhta mii sáhttá almmustahttit leat go vuoddjit geavahan eará gárrenmirkkuid go alkohola.
Reaidu almmustahttá eará gárrendili go alkohola čolgaiskosa bokte. Dat sáhttá geavahuvvot čielggadit dárbbu varraiskosii ja lagabui guorahallat gárrendili, čállá Politiforum.
– Lea čielggas ahte dat gádju heakkaid johtolagas. Mađi eambbo vuddjiid geat vudjet gárrendilis politiijat sáhttet almmustahttit, dađi eambbo heakkaid sáhttit gádjut geainnuid alde, dadjá sadjásaš UP-hoavda Roar Skjelbred Larsen.
