Sámediggi lea ruhtadan áppa mainna beassá oahpásmuvvat čieža iešguđetge sámegielain.
Dán áppas beassá oahpásmuvvat davvisámegielain, lullisámegielain, julevsámegielain, nuortalašgielain, anárašsámegielain, ubmisámegielain ja bihtánsámegielain.
Áppa čájeha mo sánit ja álkes cealkagat čállojit ja daddjojit.
Sánit ja cealkagat gávdnojit maid dárogillii, ruoŧagillii, suomagillii ja eaŋgalasgillii. Jietnadeapmi gávdno maid suomagiel sániide ja cealkagiidda.
Go deaddilat sáni de oainnat sátnegirjji juohke gillii. Ubmisámegielas ii gávdno vuos neahttasátnegirji.
Sámediggi lea ruhtadan áppa mii máksá 59 ruvnnu App stores.
