Appa Hold addá čuoggáid ja bálkkašumiid juohke 20. minuhtas go eai geavat telefovnna vuojedettiin.
– Mii háliidat ahte olbmot galget leat áicilat johtalusas. Go geahčastat telefovdnii de sáhtát leat vuodján 100 mehtera, dadjá Mats Mathisen, okta appa ráhkadeddjiin.
Prošeakta lea ovttasbargu YX, 7-Elevenin ja Stáda luoddadoaimmahagan.
Prošeaktajođiheaddji Rita Aarvold Stáda Luoddadoaimmahagas dadjá ahte sii háliidit veahkkeneavvu addit mii muittuha vuddjiid ahte eai geavat telefovnna.
Ráŋggáštus jos váldo geavaheame telefovnna vuojedettiin lea guokte čuoggá vuodjinkortii ja sáhkku.
Golbma Norgga studeantta lea ráhkadan appa Hold Københámmanis. Appa bálkkaša geavaheddjiid go eai geavat telefovnna skuvllas, barggus ja dál maid johtalusas. Appa lea maid almmuhuvvon Stuorra Británnias.
