-Almmuhus-
OĐĐASAT Ođas­tuhttán divvun­prog­rámma

Ođas­tuhttán divvun­prog­rámma

-

-

Divvun lea almmuhan davvisámegiel grammatihkkadárkkisteaddji GramDivvun 1.0. Dál ii divo prográmma šat  dušše dábálaš čállinmeattáhusaid, muhto maid sániid mat eai heive oktavuhtii.

– Dasa lassin mii divvut muhtin formaterenmeattáhusaid, nu go aisttonmearkkaid ja gaskameattáhusaid, ja maid goallossátnemeattáhusaid, dieđiha Divvun UiT Norgga árktalaš universitehta preassadieđáhusa bokte.

Ovdamearka maid GramDivvun dál divvu

«– Na vuolgu min biddjui de oaččut skeaŋkka.»

Prográmma dovdá sihke «biddjui» ja «bidjui», muhto sánit adnojit goabbat oktavuođas. Dás galggašii «bidjui» ja GramDivvun 1.0 áicá ja divvu dákkár meattáhusaid.

– Leat dieđusge máŋga meattáhusa maid reaidu ii áicca, muhto mii šaddat ođastuhttit dan duollet dálle. Dalle mii lasihit ođđa njuolggadusaid mat šaddet divvut eanet aht’ eanet meattáhusšlájaid, čállá UiT preassadieđáhusas.

Reaiddu geavahit

Grammatihkadivvunreaidu geavahuvvo MS Wordas ja Google Docsas, ja dat doaibmá Windowsis, Macas, iPadas, Chromebookas ja buot sajiin gos MS Word ja Google Docs gávdnojit. Reaidu dárbbaša neahttaoktavuođa go dan geavaha.

- Advertisement -
-Almmuhus-