Ovdanama ja goarggu guoski lága leat ođasmahttimen Suomas. Ovdanamat leat evttohusa mielde ain čadnojuvvon sohkabeallái. Vánhen ja Sámedikki stivrralahttu Pentti Pieski oaidná ge, ahte ii velá ge sáhte sámi namaid bidjat mánnái.
Suoma bealde lea ovdanama ja goarggu guoski lága ođasmahttimin, čállá Yle Sápmi.
Ovdanamat leat evttohusa mielde ain čadnojuvvon sohkabeallái.
Vánhen ja Sámedikki stivrralahttu Pentti Pieski oaidná ge, ahte ii velá ge sáhtte sámi namaid bidjat mánnái.
– Mun ieš ge vásihin dalle, go eamidiin hutkkaime iežame mánáide namaid, de doppe bohte veahá váttisvuođat. Ovdamearkan dat go lei guovtteoasat namma, de dat doppe magistráhtas figge nu go veagal bidjat dan gaskacázu dohko, muhto moai ean háliidan dan. Dat liikká lihkostuvai, muhto dalle ledje maiddái váttisvuođat ja doaivumuš dál dat čoavdašuvvá diet ášši, lohká Pieski.
Riekteministeriija bargojoavku evttoha lasihit namaid válljenfriijavuođa.
Bargojoavkku smiehttamuša mielde ovdanamat livčče ain čadnojuvvon sohkabeallái.
