Hemnes, Aarborte ja Gaala gielddat Nordlánddas lea ovttasráđiid gáibidan ahte Røssågačázádahkii galget biddjot johtui birasbuorideaddji doaimmaid go NVE lea ođasmahttán reguleren konsešuvdnaeavttuid.
NVE (Norgga čázádat- ja energiijadirektoráhtta) lea sádden Oljo- ja energiijadepartementii rávvaga, mas rávvejit boares konsešuvdnaeavttuid molsut dálááigásaš konsešuvnna regulereneavttuid.
Dalle sáhttá gáibidit iešguđetlágan birasbuorideaddjii doaimmaid, earret man olu čáhci galgá leat čázádagas.
Statkraft Energi AS:s lea konsešuvdna ja lea guhká juo fuolahan ahte Vuolit Røssågas golgá 30 m3/s čáhci. Røssvatnet jávrái lea váttis ásahit buriid birasgáhttendoaimmaid.
Danin evttoha NVE ahte Statkraft fert máksit 150 000 kruvnna jahkásaččat buoridan dihtii dili guliide, lottiide, fuođđuide ja astoáiggedoaimmaide gielddas. Røssåga lei ovdal hirbmat buorre luossajohka, muhto gyrodactylus salarisa geažil, šadde jávkadit buot guliid. Jagi 2009 rájes lea fas luossa goargŋugoahtán čázádahkii.
