Romssa sátnejođiheaddji ja sámediggepresideanta leaba vuolláičállán ođđa ovttasbargošiehtadusa.
– Romsa lea rámis sámi suohkan. Odne lea ođđa ovttasbargošiehtadus Sámedikkiin vuolláičállojuvvon Kárášjogas. Sámediggevisti lea oba erenomáš. Olu giitu, ráhkis sámediggepresideanta Aili Keskitalo go váldet min nu bures vuostá, go ofelastet min Sámedikkis ja go dál leat vuolláičállán šiehtadusa, čállá Romssa sátnejođiheaddji Gunnar Wilhelmsen iežas Facebook-profiillas.
Sámedikki ja Romssa suohkana ođđa ovttasbargošiehtadus galgá sihkkarastit sámi mánáidgárdesadjedáhkádusa, sámi oahpahusa nannema, sierra Sámi viesu ja kulturmuittuid gaskkusteami.
– Mii leat ilus ja rápmásat Romssa suohkaniin mii váldá dán lassi lávkki sámi mánáid ja nuoraid ovddas. Dát šiehtadus muitala oktasaš dáhtu birra maid ovttas sáhttit čoavdit máŋgga dásis, dadjá sámediggepresideanta Aili Keskitalo.
