Boahtte jándora dieđihuvvo arvit gaskal 30-50 millimehtera Romssas ja Finnmárkkus. Dat lea measta seamma ollu go láve olles geassemánu arvit.
Boahtte jándora dieđihuvvo arvit gaskal 30-50 millimehtera Romssas ja Finnmárkkus. Dat lea measta seamma ollu go láve olles geassemánu arvit.
– Njuoskaseamos oassi arvedálkkis lea jođus davás ja olle gaskabeaiáigge, dieđiha meteorologalaš Instituhta meteorologa Magny Svanevik Ávvirii.
Dálkedieđáhusas muitaluvvo ahte sáhttá jándoris arvit gitta 50 millimehtera mihttorádjái.
Go sulastahttá gaskamearálaš arvviid geassemánus, de arvá dán jándora sullii seamma ollu go muđui lea dábálaš ovtta olles mánus.
Arvá eanemusat ránnjáriikkain
– Mannan ija lea Dieváidvuovddis Sis-Romssas arván 22 millimehtera gaskaijas iđidii. Ii leat dábálaš ahte arvá ná ollu ovtta jándoris, muitala dálkedieđiheaddji.
Muhto eanemusat arvá Ruoŧas ja Suomas ovdal go olle Sis-Romsii ja Finnmárkkuduoddarii.
