-Almmuhus-
-Almmuhus-
-Almmuhus-
OĐĐASATOažžu Ruoŧa radio giellabálkkašumi

Oažžu Ruoŧa radio giellabálkkašumi

-

-

Sámeradio ja SVT Sámis reportár Karen Eira oažžu dán jagáš Sveriges Radio giellabálkkašumi, ja lea vuosttaš geardde go sámegielat prográmmalágideaddji oažžu dan.

Karen Eira, gii bargá Sámeradios ja SVT Sámis, oažžu ovtta dan golmma giellabálkkašumiin maid Sveriges Radio geige jahkásaččat.

 

– Oažžu giela lávlut

Ákkastallamis manne Eira oažžu bálkkašumi daddjo ná:

– Iežas njoammu energiijain ja mojunjálmmiin oažžu Karen Eira sámegiela eallit ja lávlut.

 

– Mearkkaša ollu

Eira muitala SVT Sápmái ahte son šattai hui ilolažžan go gulai ahte oažžu bálkkašumi, ja lohká mearkkašit hui ollu sutnje.

– Ii olmmoš vuordde oažžut bálkkašumi, ja dat mearkkaša hui ollu ja lea movttiidahtti ja gudni, lohká son SVT Sápmái.

 

Golbma bálkkašumi

Sveriges Radio giellabálkkašupmi lea juhkkojuvvon 1987 rájes ja galgá mearrádusteavstta mielde «ovddidit njálmmálaš giela ovdáneami».  2001:s viiddiduvvui bálkkašupmi guovtti oassái, bálkkašupmi bargái gii lágida báikkálaš prográmma ja bálkkašupmi sutnje gii lágida riikaprográmma. 2014:s viiddiduvvui bálkkasupmi vel ovttain vuoittuin, man sáhttet oažžut sii geat lágidit prográmma eará gillii go ruoŧagillii.

 

Dan guokte eará bálkkašumi oažžuba Annika Lantz, riikaprográmma ovddas ja Lars Svan báikkálaš prográmma ovddas. Giellabálkkašupmi lea guhtege vuoitái 20 000 ruvnno, diploma ja gudni.

 

Bálkkašumit geigejuvvot vuitiide disdaga skábmamánu 22. beaivvi diibmu 16.00 Radiohuset báikkis Stockholmas.

 

 

 

 

 

-Almmuhus-