Lávvordaga oažžu 19-jahkásaš Saara Hermansson Ubmejen Biejvieh nuoraidstipeandda mii juhkko 11. geardde.
Lávvordaga oažžu 19-jahkásaš Saara Hermansson Ubmejen Biejvieh nuoraidstipeandda mii juhkko 11. geardde.
Nuoraidstipeanda addo sutnje dahje sidjiide geat iežaset áŋgirvuođain, hutkáivuođain ja ofelastimiin váikkuhit ahte sámi sosiálalaš dahje kultuvrralaš eallin ođasmahtto ja ovdána.
Saara Hermansson, gii lea eret West Stornes, Klimpfjällas, oažžu ge lávvordaga njukčamánu 12. beaivvi 4 000 Ruoŧa ruvdnosaš stipeandda ja diploma máid lea ráhkadan Ubmi sámesearvi. Dat juohkin lea dan olis go Transjoik De Luxe lágida konseartta Ubmi álbmotviesus lávvordateahkeda diibmu 21:00.
Saara lea bajásšaddan Vilhelmina duoddaris, mii lea davit ja lulit Vilhelmina čearuid gaskkas, bearrašis mas leat sámi ruohttasat ja gullevašvuohta Fatmomakke sámesearvái.
Áŋgiruššan
Iežas musihkkaberoštumi dihte son fárrii Ubmái oahppama dihte 2012-2015 jagiid.
Ubmis son maid áŋgiruššá iešguđetlágan sámi doaimmain. Son lea maid mielde sámi nuoraidlávlunjoavkkus «Vajmmuo». Saara Hermnasson maid oahpahallagoahtán lullisámegiela, ja lea ge maid leamaš veahkkeoahpaheaddjin Tráhppies gos lei geahččalanortnet Lullisámi mánáide ovdaskuvlla agis. Dál son bargá ge oktii vahkkus ovddaskuvllas.
Duodjeberoštupmi
Saara Hermanssonis maid beroštišgoahtán duojis, ja lea ge maid gorron alcces gávtti. Sus lea plána ohcat duodjeohppui Johkamohkkái.
