Máttá-Várjjaga ođđa fitnodat Seilnes AS lea ožžon 280 900 ruvnno doarjjan Sámedikkis investeret fatnasa.
Brynjar Alexandersen háliida ásahit iežas riddoguolástanbargosaji Mátta-Várjjaga gildii. Earret investerendoarjaga fatnasii, de lea Sámediggeráđđi juolludan fitnodahkii 30 900 ruvnno doarjjan oastit bivdoneavvuid.
– Lea buorre go mii sáhttit doarjut guolásteami Sámis. Lea dehálaš sihke riddoguvlui ja sámi servodahkii ahte mis lassánit guolásteaddjit iežamet riddoguovlluin, dadjá sámediggepresideanta Silje Karine Muotka (NSR) preassadieđáhusas.
