-Almmuhus-
-Almmuhus-
-Almmuhus-
OĐĐASATOažžu doarjaga gielladikšumii

Oažžu doarjaga gielladikšumii

-

-

Mearrasámi árbediehtu oažžu 88 500 ruvnno doarjjan gielladikšunprošektii.

Sámediggeráđđi addá 88 500 ruvnno doarjjan Mearrasámi árbedihtui Álttá suohkanis prošektii Gielladikšun sámi mánáide álgodásis, doaimmaiguin mat ovddidit sámi giellageavaheami ja dahket arenaid sámegiela geavaheapmái.

– Sámediggeráđi mielas lea deaŧalaš ahte maiddái mánát geat eai leat sámegielagat ožžot vejolašvuođa oahppat eambbo sámegiela, lohká sámediggepresideanta Aili Keskitalo preassadieđáhusa bokte.

 

Fállet sámi arena

Prošeavtta mihttomearrin lea sámi mánáide fállat sámi arena skuvlaáiggi olggobealde, sámi doaimmaiguin main besset oahppat ja vásihit mearrasámi kultuvrra ja main sámegiella lea guovddážis ja implementerejuvvo doaimmaide. 

Doppe galget leat gielladoaimmat mat leat čadnojuvvon meahccái, duodjái, biebmoráhkadeapmái, ekskuršuvnnaide, ja maid sosiálalaš doaimmaide nu go heargevuodjimii, beanavuodjimii ja jiekŋahoteallas fitnamii.

 

Riddoguovlu ja siseanan

Fálaldaga guovddážis galgá leat riddoguovllu ja siseatnama sámi kultuvra, ovttas sámi álgodási giellageavahemiin. 

Prošeavtta ulbmiljoavku leat mánát geain lea sámi duogáš ja leat álgodásis sámegielas, 5-15-jahkásaččat.

-Almmuhus-