-Almmuhus-
-Almmuhus-
KULTUVRA Oassálastá fas Melodifestivalenis Ruoŧas

Oassálastá fas Melodifestivalenis Ruoŧas

-

-

Jon Henrik Fjällgren searvá fas Melodifestivalen lávlungilvui ovttas artisttain Aninia.

Odne almmuhuvvui Stockholmas geat servet boahtte jagi Melodifestivalen lávlungilvui, dieđiha Sameradion & SVT Sápmi.

Fjällgren lávlaga namma lea «En värld full av strider», maid son ovdanbuktá ovttas Aniniain. Soai leaba mielde njealját oassegilvvus mii lágiduvvo Skiellehis guovvamánu 25.beaivvi 2017.

 

Roger Pontare lea maid viđát geardde mielde Melodifestivalenis, lávlagiin «Himmel och hav». Pontare lea guktii vuoitán, 1994:s ja 2000:s, ja gilvala nuppi oassegilvvus mii lea Malmös guovvamánu 11.beaivvi.

 

Oassegilvvut lágiduvvojit Göteborgas, Malmös, Växjös ja Skiellehis. Lassigilvu lea vel Linköpingas njukčamánu 4.beaivvi, ovdal go finála lea njukčamánu 11.beaivvi Stockholmas.

Vuoiti beassá ovddastit Ruoŧa ESC-finálas Kiev gávpogis miessemánus, muitala Sameradion & SVT Sápmi.

-Almmuhus-