-Almmuhus-
CORONAVIRUSOanidit áiggi nuppi ja goalmmát boahku gaskka

Oanidit áiggi nuppi ja goalmmát boahku gaskka

-

-

Badjel 65-jahkásaččat sáhttet jođáneappot oažžut goalmmát boahkkodosa korona vuostá. 

Goalmmát koronaboahkkodosa sidjiide geat leat badjel 65 jagi boarrásat lea dán rádjái rávvejuvvon addot easkka guhtta mánu maŋŋel nuppi dosa. Vai boarrásiid boahkuheapmi manašii jođáneappot, de rahppo dál vejolašvuohta addit goalmmát dosa vihtta mánu maŋŋel dan nuppi. 

Nu dieđiha Álbmotdearvvašvuođainstiuhtta. 

– Boahkut eai leat nu gievrrat suddjet boarráseamos olbmuid duođalaččat buohccámis šat muhtin mánuid maŋŋel go leat ožžon boahkuid. Danne lea hui dehálaš ahte dát jovkui fállojuvvojit ođastanboahkut. Go oanidit áiggi nuppi ja goalmmát dosa gaskka, de leat badjel 65-jahkásaččain buoret immunsuodji dávdda vuostá, dadjá Romssa njoammuneastadandoavttir Trond Brattland. 

 Dat oanideapmi dosaid gaskka fállo dušše sidjiide geat leat badjel 65 jagi. Vuollel 65-jahkásaš dearvvašvuođabargit fertejit ain vuordit guhtta mánu. 

-Almmuhus-