-Almmuhus-
-Almmuhus-
OĐĐASAT Oallugat vásihan boasttu govvageavaheami sosiálamediain

Oallugat vásihan boasttu govvageavaheami sosiálamediain

-

-

Ovccis logi olbmos, geat leat gaskal 18- ja 29-jahkásaččat, leat vásihan ahte govat dahje filmmat alddis leat almmuhuvvon sosiála mediain lobitkeahttá

Obbalaččat buot agiin leat oktiibuot čiezas logi olbmos vásihan dan seamma, , čájehit logut iskkadeamis maid YouGov lea čađahan Frende dáhkádusfitnodaga ovddas.

– Dan berrejit olbmot váldit duođalažžan. Ii leat lohpi juogadit gova ovdamearkka dihte riegá­danbeaivvis Facebookas jeara­keahttá, vaikko du mielas lea buriin mielain juhkkojuvvon, lohká Frende dáhkádusfitno­daga buvttadanhoavda Einar Brekken. 

– De sáhttá rihkkut ráŋggáš­tan- persovdnadiehto- ja vuoigŋa­dagus­lága jus juogada govaid ja persovnnalaš dieđuid earain jearakeahttá, lohká ges Affiniona dihtorsihkar­vuođa­čeahppi Rikard af Sandeberg. 

Njuolggadusat gusto buot neahtta­siidduin, bloggain ja sosiála mediain. Jearakeahttá lea go almmolaš dahje priváhta siidu, ovdamearkka dihte Facebookas. 

 

Dagaha givssideami

Iskkadeamis boahtá maid ovdan ahte juohke njealját, gii lea jerro­juvvon, diehtá muhtuma gii lea vásihan neahttagivssideami. 

– Sávakeahtes govat ja filmmat leat diehttelasat mielváikkuhussan neahttagivssideapmái, lohká Brekken. 

-Almmuhus-