-Almmuhus-
-Almmuhus-
SMÁVVAOĐĐASATOallugat eai divut biila­klása go čuovkana

Oallugat eai divut biila­klása go čuovkana

Journalista

-

-

Olu vahágiid sáhttá garvit, jus jođánit fináda divuheamen biilaklása go smávva geađggáš lea deaivan dasa.  – Jus leat sealggaheapmi, de stuorru dat cuovkaneapmi ja šaddá stuorát ja divrasabbo, dadjá vaháteastadeaddji.  

Varas iskkadeamis muitalit 1,4 miljovnna norgalačča sii leat vásihan ahte smávva geađggáš lea deaivan biilaklása. Goalmmádasoassi muitalit sii leat mánu vuordán ovdal go manne dan divuhit.

– Jus vuorddát menddo guhká, de sáhttá dat binna bánna vahát dagahit ahte olles biilaklássa cuovkana ja ferte dan molsut. Biilaklássa sáhttá jođánit luoddanit go dálki rievdá lieggagrádain buolašgrádaide. Jus lávttas beassá dan ceahkkái, de cuovkana velá jođánabbot, lohká Fremtind dáhkádusfitnodaga vaháteastadeaddji Therese Hoftstad-Nielsen preassadieđáhusas. 

Jagi 2023:s leat dát smávvageađgevahágat lassánan diimmá rájes 19,5 proseanttain. Iskkadeamis bođii ovdan ahte olbmot eai diehtán ahte dan biilaklása sáhttá nuvttá divuhit biilladivohagas. Hofstad-Nielsen muitala ahte gávdno maid loasttar biilaklássacuovkaneapmái jus ii geargga nu jođánit fitnat divuheamen klása.

-Almmuhus-