-Almmuhus-
OĐĐASAT Oaivvildit oahppit fertejit oahppat kritihkalaččat árvvoštallat mediasisdoalu

Oaivvildit oahppit fertejit oahppat kritihkalaččat árvvoštallat mediasisdoalu

-

-

Mediebearráigeahčču oaivvilda ahte vuođđoskuvlla oahppit berrejit eanet oahpahuvvot šaddat kritihkalaš mediageavaheaddjit ja oahppat eambbo mediaid doaimma birra servvodagas.

Mediabearráigeahčču oaivvilda ahte kritihkalaš mediaipmárdus ja oahpahit ohppiide mediaid rolla berre oažžut stuorát saji vuođđoskuvlla ođastuvvon oahppoplánain.
– Go oahppit ožžot kritihkalaččat árvvoštallat iešguđetlágán mediaid luohtehahttivuođa ja váikkuhanfámu, de lea sidjiide álkit dádjadit mediamáilmmis mii šaddá eanet ja eanet máŋggabealat, dadjá Mediabearráigeahču direktevra Mari Velsand preassadieđáhusas.

 

Mediaipmárdus dehálaš

Mediabearráigeahčču oaivvilda ahte kritihkalaš mediaipmárdus lea okta eaktu doaibmi demokratiijai.

Danne oaivvildit dehálažžan dan váldit fárrui dál go vuođđoskuvlla oahppoplánat galget ođastuvvot.
Kritihkalaš mediaipmárdus mielddisbuktá ahte lea dihtomielalaš iešguđetlágán mediasisdollui maid lohket ja oidnet, liikojit ja juogadit.

 

Váttis čuovvut mielde ođasgovas

Nuoraid mielas lea váttis čuovvut mielde ođasgova.

Dat boahtá ovdan Mediabearráigeahču iskkadeamis álbmoga kritihkalaš mediaipmárdusa birra.

Iskkadeamis vástidit badjel bealli jearahallojuvvon olbmuin ahte dat mot mediaid gokčet áššiid, lea mearrideaddjin dasa maid sii jienastit go lea válga.
Iskkadeapmi čájeha maid ahte gaskal 16- ja 20-jahkásaš nuorat geavahit unnit ođasgálduid ipmirdit ođasášši,  ja unnit áiggi go álbmot muđui čuovvut mielde beaivválaš ođasgovas, riikaođđasiid, ealáhusođđasiid ja báikkálaš ođđasiid. 

Nuoraide leat sosiála mediat dehálaš ođaskanálat, ja sii geavahit olu áiggi mediaide mat eai leat redaktevrastivrejuvvon, ja maidolgoriikka sisdollui.
– Dát gávdnosat nannejit manne lea dehálaš nuoraide oahpahit leat kritihkalažžan dasa maid lohket ja oahpahit sin árvvoštallat iešguđetlágán mediasisdoalu luohtehahttivuođa, vai sii šaddet kritihkalaš mediageavaheaddjin, dadjá Velsand.

- Advertisement -
-Almmuhus-