-Almmuhus-
-Almmuhus-
-Almmuhus-
OĐĐASATOaivvesvuođas vudje ja moivejedje

Oaivvesvuođas vudje ja moivejedje

-

-

Lávvordaga ja sotnabeaivvi bargu lea politiijain leamaš birgehallet gárrenvuddjiiguin ja bearehaga gárihuvvan olbmuiguin.

Olu lea dáhpáhuvvan lávvordat- ja sotnabeaiija, ja eanas hástalusat politiijain leat leamaš gárrenolbmot.

 

Vuos bearjadateahket ja lávvordatija:

Sihke Girkonjárggas, Hámmárfeasttas ja Álttás šadde politiijat gohččut gárrenolbmuid guođđit báikkiid guovddážiid go leat beare gárremiin leamaš ja muosehuhttán olgobáikkiid vávttaid.

Leavnnjas fas bissehedje njealjelotjahkásaš biilavuoddji geas čájehuvvui ahte ii lean biilavuodjinkoarta.

Lávvordaga ovdalaš gaskabeaivvi bissehedje Hámmárfeasttas biilla, ja biilavuoddji čájehuvvui leamen gárremiin. Dan ovddas son váido.

Kárášjogas maid dolle politiijat johtolatdárkkisteami lávvordatija. Sii dárkkistedje vujii go oktage gárrenoaivvis.

Guhtta biilavuoddji dárkkistedje, ja ii oktage sis lean gárremiin.

 

Stuorit báikkiin riedja

Sotnabeaiija čájehuvvui vuot ahte eanemus riedja lea Finnmárkku stuorimus báikkiin.

Álttás leat šaddan bissehit máŋga feastta go beare riedja lea leamaš doppe, ja maid gávpotguovddážis fertejedje váidit viđalotjahkásaš dievddu go lea dorron.

Hámmárfeasttas leat šaddan politiijat nissona doalvut ruoktot go lei beare gárremiin.

Doppe maid leat šaddan golbmasa sáddet ruoktot go leat leamaš beare gárremiin.

Okta sis gal lei juo váldán fákki muhtun olgobáikki vávttain, go ii leat jeagadan guođđit dan olgobáikki.

Goalmmátlotjahkásaš dievdu maid váido go lei ribahan biillain luottas vuodjit eret, ja čájehuvvui ahte lea gárremiin.

Girkonjárggas fertejedje gohččut njealjelotjahkásaš dievddu guođđit gávpotguovddáža go lei beare gárremiin.

Daid dieđihit politiijat Twitteris.

 

 

 

-Almmuhus-