Dás oainnat eará suohkaniid váhnemiid vástádusaid oaiviliskkadeamis.
Oaiviliskkadeami lea Sentio dahkan NRK Sámi ja Ávvira ovddas. 1000 olbmo, geat leat badjel 15-jahkásaččat leat searvan.
Iskkadeapmi lea čađahuvvon 12 guovllusuohkanis (Kárášjogas, Guovdageainnus, Porsáŋggus, Unjárggas, Deanus, Gáivuonas, Divttasvuonas, Loabákvuonas, Aarportes, Raarvihkenis, Snåases ja Plassjes) ja njealji gávpotsuohkanis (Áltá, Romsa, Bådåddjo ja Oslo).
Jearahallamat leat čađahuvvon telefovnna bokte suoidnemánu 2. beaivvis gitta borgemánu 2. beaivái.
Gažaldat sámegieloahpahusa birra lea jerron sis geain leamaš mánná sámegiel skuvllas dahje mánáidgárddis maŋimuš viđa jagis.
– Várrogasat dulkot loguid
Tobias Giske Skaaren, Sentio sosiologa, muitala ahte eahpesihkarvuohta dáid loguide lassána go bohtosat juhkkojit vuollejoavkkuide.
– Muhtin gielddain leat relatiivvalaččat moattis geat vástidedje ahte sin mánás lea leamaš sámegieloahpahus maŋimuš viđa jagis, ja danne leat unnit logut muhtin gielddain. Ferte leat várrogas go buohtastahttá gielddaid, dadjá Giske Skaaren.
