-Almmuhus-
-Almmuhus-

MUITOSÁNIT

OAIVILAT: Goalmmát geardde lea galba billistuvvon ja jávkaduvvon

-

-

Goalmmát geardde lea Goahtesavu galba billistuvvon ja jávkaduvvon Bissojogas!

Porsáŋggu Sámiid Searvvi (PSS)  stivrra mielas lea hui šállošahtti go olbmot jotket sámegiel galbbaid billistemiin. Stivra háliida fuomášahttit ahte Porsáŋggu gielddas ellet golbma giela ja kultuvrra, ain juo, ja galben sámegillii lea okta vuohki čalmmustahttit sámegiela ja kultuvrra gielddas.

Galbbaid billisteapmi lea PSS stivrra mielas bahádahku, man eat sáhte dohkkehit. Jos dákkár negatiiva fámut, nu go saboteret ja vuosttaldit sámegiela ja kultuvrra Porsáŋggu gielddas, ožžot coavcci ja besset ovdánit smávva servodagain nu go Bissojogas, de dat ii ovddit oktavuođaid ja positiivvalaš ovdáneami.

Mii ávžžuhat olbmuid heaitit billisteames sámi galbbaid, ja baicce čájehit árvvu ja gudni sámegillii. PSS háliida ahte buohkat, maiddái stivrejeaddjit ja ásahusat, barget dan ovdii ahte ovddidit buot gielaid ja kultuvrraid mat leat Porsáŋggu gielddas, mii iešalddis nanne oktavuođaid ja lea riggodahkan buohkaide. Nu ahte, diktet sámegiel galbbaid leat ráfis boahttevuođas!

-Almmuhus-