-Almmuhus-
OĐĐASATOaivi, juolggit ja gieđat gávdnon johkagáttis

Oaivi, juolggit ja gieđat gávdnon johkagáttis

-

-

Gáidnasis Ruoŧas leat olbmo rumašoasit gávdnon, Gáidnasa johkagáttis, gaskavahkku. Galgá leat nuorra dievdu gean leat gávdnan čuohpaduvvon.

Expressen dieđiha ahte politiijat leat ohcame eanet rumašosiid duorastaga Gáidnasa johkagáttis.

Politiijat dieđihit gávdnan oaivvi, julggiid ja gieđaid, čállá NSD (siidu gáibida mávssu).

– Dat lea issoras ášši, lohká politiija cealkámušolmmái Lars Öberg.

 

Politiijat barget dál gávnnahit gii goddon olmmoš lea, earret eará go sus leat tatoveremat liikkis, eai ge jáhke ahte nuorra dievdu lea báikki olmmoš.

Politiijat dieđihit ahte leat ožžon ollu cavgilemiid maid leat guorahallame dál. Sii háliidit eanemusat cavgilemiid jus olbmot leat oaidnán maidege, ja ávžžuhit riŋget 11414 (Ruoŧa nummár).

Dáhpáhus lea geavvan gaskkal Tullars backe ja Kalix camping báikki, dieđihit Ruoŧa politiijat.

Diibmu njealljis duorastaga maŋŋelgaskabeaivvi lágidit politiijat diehtojuohkima áššis.

-Almmuhus-