-Almmuhus-
-Almmuhus-
-Almmuhus-
OĐĐASAT- Oainnán beroštumi ja jáhkán bohtosiid ii dárbbaš vuordit guhká

– Oainnán beroštumi ja jáhkán bohtosiid ii dárbbaš vuordit guhká

-

-

Ná lohká álgoálbmogiid searvi Ruošša bealde (RAIPON) presideanta Grigorij Ledkov maŋŋá bargočoahkkima ovttas Federála čearddalašáššiid lávdegottiin (Federal Agency for saker av nasjonaliteter).

Čoahkkima váldoáššin ja viehka bastilisáššin šattai digaštallan mo ja mainna lágiin álggahit duođaštus vuogádaga man bokte álgoálbmogat mat ásset miehtá Ruošša sáhtaše duođaštit iežaset gullevašvuođaid álgoálbmogiidda. Gullevašvuođa duođašteapmi gáibiduvvo otná riika- ja guovllulágain mat ledje čállon álgoálbmogiid rivttiid hárrái.

Galget gulahallat

Dasa lassin ledje digaštallan áššiid mat gusket árbevirolaš bivdui, guolásteapmái, gielaid seailluheapmái ja movt ruvke ja eará bahkkemat váikkuhit árbevirolaš eallinvuohkái. Oassin čoahkkimis šattai digaštallan man hámis ja dávjá boahttevuođas searvi ja federála lávdegoddi galgaba gulahallat.

Oktan bargočoahkkima boađusin šattai oktasaš mearrádus álggahit riikaviidosaš iskkadeami man ulbmil lea čoaggit deháleamos váttis áššiid ja dasto fárrolaga lávkkiid mielde geahččalit čoavdit dáid.

– Sávan dat áššit maid digaštalaimet čoavddašuvvojit praktihkalaččat, lohká Ledkov.

RAIPON
 

RAIPON dahje Davi, Nuorta álgoálbmogiid searvi lei vuođđuduvvon njukčamánu 1990 jagis man miellahttun ledje 26 álgoálbmoga searvvi Odne searvi ovddasta 41 álgoálbmoga man olmmošlohku lea 250 duháha. Searvvi miellahttun leat 34 iešguđet ge álgoálbmotsearvvi. 

 

Guoládaga sámiid searvi lea oktan dain miellahttun. RAIPON ovddasta álgoálbmogiid riika – ja riikkaidgaskasaš dásiin. 

Gáldu: raipon.info 

 

 

 

 

 

 

 

 

 

 

 

 

 

 

Sergey Gavrilov

sergey@avvir.no

-Almmuhus-